Гэта архіў старой версіі сайта. Новая версія знаходзіцца па адрасе catholic.by
Цэтлік [Папскія цэлебрацыі]
Служба папскіх літургічных цэлебрацый пацвердзіла, што ў Папяльцовую сераду 9 сакавіка Святы Айцец Бэнэдыкт XVI узначаліць традыцыйную працэсію. 
Сёння, 21 лютага 2011 г., адбылася публічная Кансісторыя па кананізацыі благаслаўлёных. Падчас яе былі прадстаўлены справы трох кандыдатаў да кананізацыі: Гвіда Марыі Канфорці, заснавальніка місіянерскай супольнасці св. Францішка Ксаверыя, кс. Луіджы Гуанэлла, заснавальніка Кангрэгацыі слугаў любові і Інстытута дачок Святой Марыі ад Божага Провіду, а таксама Баніфацыі Радрыгес дэ Кастра, заснавальніцы Кангрэгацыі служак св. Юзафа. 
У наступны панядзелак, 21 лютага 2011 г., адбудзецца публічная Кансісторыя па кананізацыі благаслаўлёных. Падчас яе будуць разгледжаны справы некалькіх кандыдатаў да кананізацыі. 
У катэхезе падчас агульнай аўдыенцыі 2 лютага 2011 г. Святы Айцец Бэнэдыкт XVI нагадаў, што св. Тэрэза з Авілы належыць да найбольш славутых духоўных аўтарытэтаў усіх часоў. «Яна сапраўдная настаўніца для вернікаў кожнай эпохі», — падкрэсліў Папа.
Стаў вядомы план мерапрыемстваў і літургічных цэлебрацый з удзелам Святога Айца Бэнэдыкта XVI на працягу бліжэйшых трох месяцаў. Пра гэта паведамляе беларуская рэдакцыя Ватыканскага радыё.
Пра неабходнасць аказання парафіямі падрымкі сем’ям у іх заданні перадавання веры нагадаў Святы Айцец, удзяляючы 9 студзеня 2011 г. сакрамэнт Хросту. Ва ўрачыстасць Хросту Пана гэты сакрамэнт з рук Пантыфіка атрымалі 13 хлопчыкаў і 8 дзяўчынак — дзяцей працаўнікоў ватыканскіх ведамстваў.
6 студзеня 2011 г., ва ўрачыстасць Аб’яўлення Пана, Святы Айцец узначаліў літургію ў базыліцы святога Пятра. У гаміліі Пантыфік, кажучы пра постаць караля Ірада, адзначыў, што «калі чалавек бачыць у Богу суперніка для сваёй свабоды, то не можа поўнасцю адкрыцца на крыніцу жыцця і на сапраўдную радасць». 
2 студзеня 2011 г. пасля малітвы «Анёл Панскі» Святы Айцец Бэнэдыкт XVI звярнуўся да сусветнай супольнасці з заклікам спыніць гвалт у Егіпце. Як вядома, у навагоднюю ноч у копцкай царкве ў Александрыі адбыўся выбух, у выніку якога загінуў 21 чалавек, каля ста атрымалі раненні. 
Святы Айцец Бэнэдыкт XVI узначаліць святую Імшу ў вігілію Божага Нараджэння. Распачнецца яна 24 снежня 2010 г. у 22.00 па мясцовым часе. А ў дзень самой урачыстасці, 25 снежня, Пантыфік удзеліць благаслаўленне «Гораду і свету» на плошчы Св. Пятра і павіншуе католікаў свету на дзесятках моў.
Да сінтэзу інтэлектуальнага развіцця, маральнай дысцыпліны і ўдзелу ў рэлігійным жыцці заклікаў акадэмічны свет Рыма Святы Айцец Бэнэдыкт XVI. 16 снежня 2010 г. Папа сустрэўся са студэнтамі і выкладчыкамі рымскіх універсітэтаў у базыліцы св. Пятра.
14 снежня 2010 г. Святы Айцец Бэнэдыкт XVI цэлебраваў святую Імшу ў ватыканскім кляштары Mater Ecclesiae — Маці Касцёла. З кастрычніка 2009 г. у кляштары жыве супольнасць з 7 сясцёр Ордэна Звеставання Найсвяцейшай Панны Марыі (візітак), якая моліцца за Папу, супрацоўнікаў ведамстваў Апостальскай Сталіцы і ўвесь Касцёл.
Пра значэнне цярплівасці і вытрываласці ў жыцці чалавека казаў Святы Айцец Бэнэдыкт XVI падчас агульнай аўдыенцыі ў нядзелю 12 снежня 2010 г. Пасля малітвы «Анёл Панскі» Пантыфік удзяліў апостальскае благаслаўленне і звярнуўся да прысутных на італьянскай, французскай, англійскай, нямецкай, іспанскай, партугальскай, венгерскай і польскай мовах.
Увечары 27 лістапада 2010 г. у базыліцы св. Пятра Святы Айцец Бэнэдыкт XVI узначаліць Нешпары Першай Нядзелі Адвэнту, злучаныя з малітоўным чуваннем у інтэнцыі кожнага зачатага чалавечага жыцця. Малітва распачнецца а 18-й гадзіне.
«Ва ўсе эпохі Касцёл абавязвае да падпарадкавання логіцы служэння і Крыжа, сведчання аб ёй, каб сцвярджалася сапраўднае панаванне Бога, панаванне любові», — падкрэсліў Святы Айцец Бэнэдыкт XVI на кансісторыі, якая адбылася 20 лістапада 2010 г. у ватыканскай базыліцы. 24 іерархі падчас кансісторыі былі ўзвышаны Папам да кардынальскай годнасці.
«Пошук таго, што ўверсе не азначае, што хрысціянін павінен занядбаць свае часовыя абавязкі і заданні. Не можа толькі згубіцца ў іх, так, як бы яны мелі канчатковую вартасць», — адзначыў Святы Айцец Бэнэдыкт XVI падчас святой Імшы за кардыналаў і біскупаў, што памерлі ў мінулым годзе.
У чацвер, 4 лістапада 2010 г., у базыліцы св. Пятра ў Ватыкане Святы Айцец Бэнэдыкт ХVI па традыцыі ўзначаліць святую Імшу за кардыналаў і біскупаў, якія памерлі ў гэтым годзе. Аб гэтым паведамляе беларуская секцыя Ватыканскага радыё.
Усяго 175 матэрыялаў адзначана цэтлікам Папскія цэлебрацыі.
Пры выкарыстанні матэрыялаў сайта спасылка на Catholic.By абавязкова.
